„ევროპის ცენტრალური უნივერსიტეტის“ სოციალურ მეცნიერებათა, ბიზნესისა და სამართლის ფაკულტეტის ორგანიზებით გაიმართა გერმანული აკადემიური გაცვლის სამსახურის (DAAD) პროექტების პრეზენტაცია.
ღონისძიებას უძღვებოდა ქუთაისში DAAD-ის ლექტორი, გიგი ჭინჭარაული, რომელმაც სტუდენტებს გააცნო გერმანიაში სწავლის სხვადასხვა შესაძლებლობები, მათ შორის მოკლევადიანი სასწავლო პროგრამები და სამაგისტრო ხარისხის მისაღები საგანმანათლებლო შეთავაზებები.
შეხვედრის მიზანი იყო სტუდენტებისთვის გერმანიაში განათლების გაგრძელების შესაძლებლობების წარმოჩენა და მათთვის საერთაშორისო გამოცდილების მიღების ხელშეწყობა.