24 თებერვალს ევროპის ცენტრალურმა უნივერსიტეტმა და ბათუმის საერთაშორისო უნივერსიტეტმა – BAU ოფიციალური შეხვედრის ფარგლებში ურთიერთთანამშრომლობის მემორანდუმს ხელი მოაწერეს.
მემორანდუმს ხელი მოაწერეს “ევროპის ცენტრალური უნივერსიტეტის” რექტორმა გოჩა თუთბერიძემ და ბათუმის საერთაშორისო უნივერსიტეტის რექტორმა ირინე იმერლიშვილმა.
მხარეების ინფორმაციით, მემორანდუმი მიზნად ისახავს აკადემიური და სამეცნიერო თანამშრომლობის გაძლიერებას, ერთობლივი საგანმანათლებლო ინიციატივების განხორციელებასა და საერთაშორისო პარტნიორობების განვითარებას. ამ მიზნიდან გამომდინარე, მემორანდუმი ითვალისწინებს ერთობლივ კვლევით პროექტებსა და სამეცნიერო პუბლიკაციებზე მუშაობას, საერთაშორისო კონფერენციების, ტრენინგებისა და სემინარების ორგანიზებას, პროფესიული განვითარებისა და ინოვაციური პროექტების მხარდაჭერას.
შეხვედრაზე ასევე აღნიშნა, რომ თანამშრომლობა ხელს შეუწყობს ცოდნისა და გამოცდილების გაზიარებას, განათლების ხარისხის ამაღლებასა და სტუდენტებისთვის ახალი პროფესიული შესაძლებლობების შექმნას როგორც რეგიონულ, ისე საერთაშორისო დონეზე.