“ევროპის ცენტრალური უნივერსიტეტისა” და “ევროპის უნივერსიტეტის” ორგანიზებით, სწავლების ინოვაციური მეთოდების ტრენინგცენტრი იწვევს საჯარო სკოლის პედაგოგებს უფასო ტრენინგზე: “კლასის მართვის გამოწვევები და მოსწავლეზე ორიენტირებული სწავლება”.
ტრენინგის შესახებ:
ტრენინგის მიზანი: ტრენინგი მიზნად ისახავს საერთაშორისო გამოცდილების გაზიარებას კლასის მართვის აქტუალურ გამოწვევებზე და მოსწავლეზე ორიენტირებული სწავლების ეფექტურ პრაქტიკებზე.
ტრენინგის შედეგი: მონაწილეები გაეცნობიან და განივითარებენ უნარებს, რომლებიც დაეხმარებათ მოსწავლეზე ორიენტირებული მიდგომების ინტეგრირებაში თავიანთ ყოველდღიურ პრაქტიკაში. ტრენინგის შემდეგ ისინი შეძლებენ მოსწავლეთა ჩართულობისა და სწავლის შედეგების გაუმჯობესებას.
მოკლე აღწერა:
ტრენინგის ფარგლებში მონაწილეებს შესაძლებლობა ექნებათ:
- გაუზიარონ ერთმანეთს საკუთარი გამოცდილება კლასის მართვის საკითხებზე;
- დაადგინონ და გააანალიზონ პრაქტიკული მაგალითების საფუძველზე ძირითადი გამოწვევები;
- იმსჯელონ მოსწავლეზე ორიენტირებული სწავლების კონტექსტში არსებული პრობლემების გადაჭრის გზებზე;
- შეისწავლონ საერთაშორისო პრაქტიკაზე დაფუძნებული მიდგომები გაკვეთილის დაგეგმვასა და განხორციელებაში.
- სერტიფიცირება: ტრენინგის წარმატებით გავლის შემდეგ მონაწილეებს გადაეცემათ სერტიფიკატი.
ტრენერის შესახებ: ტრენინგს გაუძღვება იოსებ ლაზარაშვილი:
- ზოგადი განათლების ხარისხის უზრუნველყოფის საგნობრივი ექსპერტი;
- სსიპ ქალაქ თბილისის N58 საჯარო სკოლის დირექტორი;
- სსიპ ქალაქ თბილისის N58 საჯარო სკოლის მოქალაქეობის მასწავლებელი.
ტრენინგის ჩატარების ადგილი: ევროპის ცენტრალური უნივერსიტეტი მისამართი: ქუთაისი, წერეთლის ქუჩა N13, 211-ე აუდიტორია.
ტრენინგის ჩატარების დრო: შაბათი, 10 მაისი, 13:00 საათი
ტრენინგის ხანგრძლივობა: 4 საათი, რომელიც მოიცავს შესვენებას ყავითა და ჩაით
რეგისტრაცია სავალდებულოა — დასარეგისტრირებლად გადადით შემდეგ ბმულზე:
გთხოვთ გაითვალისწინოთ: მონაწილეთა რაოდენობა შეზღუდულია, ამიტომ დარეგისტრირდით რაც შეიძლება მალე!