“ევროპის ცენტრალური უნივერსიტეტის” ასისტენტ პროფესორმა ხათუნა ჩაკვეტაძემ ლატვიის უნივერსიტეტის სამედიცინო კოლეჯში საერთაშორისო მობილობის პროგრამის ფარგლებში აკადემიური ვიზიტი წარმატებით დაასრულა.
10-14 მარტს გამართული ხუთდღიანი ვიზიტის მიზანი იყო ცოდნის გაზიარება, ინსტიტუციური თანამშრომლობის გაძლიერება და სწავლების ინოვაციური მეთოდების შესწავლა.
ვიზიტის პერიოდში ასისტენტ პროფესორი ჩაკვეტაძე შეხვდა კოლეჯის აკადემიურ პერსონალს და გაეცნო თანამედროვე სიმულაციურ ლაბორატორიებსა და კლინიკურ ბაზებს. მან ასევე ჩაატარა სპეციალიზებული ლექცია სტუდენტებისთვის თემაზე “ლოგიკური და კრიტიკული აზროვნების როლი მეორე ტიპის დიაბეტის მართვაში”.
ეს ვიზიტი წარმოადგენს მნიშვნელოვან ნაბიჯს უნივერსიტეტებს შორის საერთაშორისო თანამშრომლობისა და განათლების ხარისხის ამაღლების მიმართულებით.