ევროპის ცენტრალური უნივერსიტეტის მედიცინის ლექტორი ქეთევან უკლება “ერაზმუს+” საერთაშორისო აკადემიური მობილობის პროგრამის ფარგლებში ერთი კვირის განმავლობაში რუმინეთის დედაქალაქ ბუქარესტში იმყოფებოდა, სადაც ტიტუ მაიორესკუს უნივერსიტეტში ლექცია თემაზე: “Quincke’s edema as a life- threatening pathology. Ways to avoid it – treatment and prevention” წაიკითხა.
სალექციო კურსის ფარგლებში განხილული იყო როგორც სხვა აქტუალური სამედიცინო თემები, ასევე საქართველოს კულტურა და ისტორია.
“ერაზმუს+” საერთაშორისო აკადემიური მობილობის პროგრამის მიზანია საერთაშორისო გამოცდილებისა და პროფესიული განვითარების ხელშეწყობა. ამ ეტაპზე ევროპის ცენტრალური უნივერსიტეტი 21 ქვეყნის 68 უნივერსიტეტთან თანამშრომლობს.