“ევროპის ცენტრალური უნივერსიტეტი” და სტამბოლის ესენიურტის უნივერსიტეტი თანამშრომლობას იწყებენ

“ევროპის ცენტრალურ უნივერსიტეტსა” (ქუთაისი, საქართველო) და სტამბოლის ესენიურტის უნივერსიტეტს (თურქეთი) შორის თანამშრომლობის მემორანდუმი გაფორმდა.

ხელშეკრულება აკადემიური თანამშრომლობის, სტუდენტებისა და პერსონალის გაცვლისა და ერთობლივი კვლევითი საქმიანობების ხელშეწყობას ისახავს მიზნად.

მემორანდუმის ფარგლებში მხარეები შეთანხმდნენ:

1. სტუდენტთა გაცვლის პროგრამების განვითარებაზე, რაც მათ საშუალებას მისცემს, სასწავლო ან კვლევითი საქმიანობა პარტნიორ უნივერსიტეტში განახორციელონ;
2. აკადემიური და ადმინისტრაციული პერსონალის გაცვლაზე სწავლებისა და პროფესიული განვითარების მიზნით;
3. ერთობლივი კვლევითი პროექტების, სამეცნიერო კონფერენციებისა და სემინარების ორგანიზებაზე;
   სასწავლო გეგმების ერთობლივ განვითარებასა და გაუმჯობესებაზე;
4. კულტურული გაცვლის პროგრამების მხარდაჭერაზე.

სტამბოლის ესენიურტის უნივერსიტეტი, რომელიც 2013 წელს დაარსდა, ერთ-ერთი ყველაზე სწრაფად განვითარებადი კერძო უნივერსიტეტია თურქეთში, რომელიც ცნობილია ინოვაციური სასწავლო პროგრამებითა და საერთაშორისო პარტნიორობებით.

აღნიშნული თანამშრომლობა ხელს უწყობს “ევროპის ცენტრალური უნივერსიტეტის” პარტნიორული ქსელის კიდევ უფრო განმტკიცებას თურქეთში.