“ევროპის ცენტრალური უნივერსიტეტის” ასისტენტ-პროფესორმა იაგო ცერცვაძემ საერთაშორისო მობილობის ერაზმუს პროგრამა რუმინეთის დედაქალაქ ბუქარესტში წარმატებით დაასრულა.
2025 წლის 3-9 მარტს, ასისტენტ პროფესორი ცერცვაძე სტუმრობდა ტიტუ მაიორესკუს (TITU MAIORESCU) სამედიცინო უნივერსიტეტის მედიცინის ფაკულტეტს, რაც მნიშვნელოვანი ნაბიჯია “ევროპის ცენტრალური უნივერსიტეტისთვის” საერთაშორისო აკადემიური თანამშრომლობის განვითარების მიმართულებით.
სტუმრობის ძირითადი მიზნები მოიცავდა უნივერსიტეტებს შორის გამოცდილების გაზიარებას, მომავალი თანამშრომლობის პერსპექტივების განხილვას და სწავლების ახალი მეთოდების გაცნობას უმაღლეს განათლებაში. მობილობის ფარგლებში ჩატარდა შეხვედრები უნივერსიტეტის აკადემიურ პერსონალთან, მოხდა თანამედროვე სიმულაციური ლაბორატორიებისა და კლინიკური ბაზების დათვალიერება.
პროგრამის ერთ-ერთი ყველაზე მნიშვნელოვანი კომპონენტი იყო ბუქარესტის სამედიცინო უნივერსიტეტის სტუდენტებისთვის ლექციის წაკითხვა თემაზე “მწვავე იშემიური ინსულტის მკურნალობა თრომბოექსტრაქციის ერაში” (Acute Stroke Management in the Era of Thrombectomy). ეს ლექცია წარმოადგენდა თანამედროვე ნეიროქირურგიული მეთოდების პრეზენტაციას, რაც ამყარებს “ცენტრალური ევროპის უნივერსიტეტის” აკადემიური პერსონალის საერთაშორისო რეპუტაციას.
იაგო ცერცვაძე არის “ევროპის ცენტრალური უნივერსიტეტის” ასისტენტ-პროფესორი და დასავლეთ საქართველოს სამედიცინო ცენტრის ნეიროქირურგიული დეპარტამენტის ხელმძღვანელი. ტიტუ მაიორესკუს უნივერსიტეტი, რომელიც დაარსდა 1990 წელს, არის რუმინეთის ერთ-ერთი წამყვანი კერძო უნივერსიტეტი, რომელიც მდებარეობს ბუქარესტში. უნივერსიტეტი განთქმულია თავისი სამედიცინო პროგრამებით და ინარჩუნებს ძლიერ საერთაშორისო პარტნიორობას მთელ ევროპაში. რუმინელი ლიტერატურული კრიტიკოსის და პოლიტიკოსის ტიტუ მაიორესკუს სახელით დასახელებული ინსტიტუტი დამკვიდრდა, როგორც სამედიცინო განათლებისა და კვლევის ცენტრი, თანამედროვე ობიექტებითა და საერთაშორისო აკადემიური გაცვლის ვალდებულებით.
ეს მობილობა კიდევ ერთხელ ადასტურებს “ცენტრალური ევროპის უნივერსიტეტის” ღია და პროგრესულ მიდგომას საერთაშორისო თანამშრომლობისადმი და ხელს უწყობს ქართული უმაღლესი განათლების ინტეგრაციას ევროპულ აკადემიურ სივრცეში.