“ევროპის ცენტრალური უნივერსიტეტსა” (ქუთაისი, საქართველო) და ვროცლავის პროფესიული განათლების კოლეჯს (პოლონეთი) შორის ურთიერთთანამშრომლობის მემორანდუმი გაფორმდა.
აღნიშნული თანამშრომლობა სტრატეგიულ მიზნად ისახავს აკადემიური გაცვლის პროგრამების გაფართოებას, საერთაშორისო კვლევით პროექტებში ჩართულობასა და სტუდენტების პროფესიული განვითარების ხელშეწყობას.
ამ მემორანდუმის ხელმოწერით, “ევროპის ცენტრალური უნივერსიტეტი” ქმნის ახალ საგანმანათლებლო შესაძლებლობებს, რომლებიც ხელს შეუწყობს ჩვენი უნივერსიტეტის საერთაშორისო აღიარებას და სტუდენტების გლობალურ კონკურენტუნარიანობას.
ვროცლავის პროფესიული განათლების კოლეჯი სახელმწიფო პროფესიული უმაღლესი საგანმანათლებლო დაწესებულებაა, რომელიც 2001 წელს დაარსდა. იგი მდებარეობს დასავლეთ პოლონეთში, ლეგნიცის ქალაქთან ახლოს. კოლეჯი ცნობილია თავისი მრავალპროფილიანი საგანმანათლებლო პროგრამებით, რომლებიც მოიცავს ბიზნესს, ინჟინერიას, ინფორმაციულ ტექნოლოგიებსა და სოციალურ მეცნიერებებს.
პარტნიორობა ფოკუსირებულია პრაქტიკაზე ორიენტირებულ სწავლებაზე, რაც სტუდენტებს პრაქტიკული უნარ-ჩვევების განვითარებაში დაეხმარება. კოლეჯს გააჩნია თანამედროვე სასწავლო ინფრასტრუქტურა და აქტიურად თანამშრომლობს ადგილობრივ და საერთაშორისო კომპანიებთან.