2025 წლის 17–18 ივლისს, “ევროპის ცენტრალური უნივერსიტეტისა” და “ევროპის უნივერსიტეტის” სწავლების ინოვაციური მეთოდების ტრენინგცენტრის ორგანიზებით, ჩატარდა ორდღიანი ტრენინგი თემაზე – “შრომის სამართლის აქტუალური საკითხები“, რომელიც განკუთვნილი იყო “ევროპის ცენტრალური უნივერსიტეტისა” და “ევროპის უნივერსიტეტის” აკადემიური და მოწვეული პერსონალისათვის.
ტრენინგი გაიმართა ონლაინ ფორმატში, Zoom-ის პლატფორმის მეშვეობით და მისი მიზანი იყო შრომითი ურთიერთობების სამართლებრივი რეგულირების თეორიული და პრაქტიკული ასპექტების განხილვა. მონაწილეებმა დეტალურად განიხილეს როგორც შრომის სამართლის ძირითადი ცნებები, ასევე არსებული გამოწვევები და სამართლებრივი პრაქტიკა.
ტრენინგის პროგრამა მოიცავდა შემდეგ საკითხებს:
17 ივლისი:
- შრომითი ურთიერთობა და მისი გამიჯვნა სხვა სახელშეკრულებო ურთიერთობებისგან
- შრომითი დისკრიმინაციის აკრძალვა და ვიქტიმიზაცია
- კეთილსინდისიერება წინასახელშეკრულებო ურთიერთობებში
- შრომითი ხელშეკრულების ფორმა და პირობები
- შრომის შინაგანაწესი და გამოსაცდელი ვადა
- ვადიანი და უვადო ხელშეკრულებების მნიშვნელობა
- დასაქმებულის უფლებები და შვებულების რეგულირება
- შრომის ანაზღაურება
18 ივლისი:
- შრომითი ურთიერთობის შეჩერება და შეწყვეტა
- მასობრივი დათხოვნა
- საწარმოს გადაცემისას გასათვალისწინებელი საკითხები
- კოლექტიური შრომითი ურთიერთობები
- სამართლებრივი პასუხისმგებლობა და დავები
- გაფიცვა, ლოკაუტი და ხანდაზმულობის ვადები
ტრენინგს საქართველოს უზენაესი სასამართლოს მოსამართლე (2015–2025), “ევროპის უნივერსიტეტის” აფილირებული, ასოცირებული პროფესორი ეკატერინე გასიტაშვილი უძღვებოდა.
ტრენინგის თითოეული სესია 3 საათს გაგრძელდა და დამსწრეებს შესაძლებლობა ჰქონდათ, გაეღრმავებინათ ცოდნა შრომის სამართლის სფეროში, გაეზიარებინათ საკუთარი გამოცდილება და მიეღოთ პასუხები პრაქტიკულ კითხვებზე.